ડોક્સહોક્સ એન્ટરટેઇનમેન્ટ અને અનુભૂતિ મિડિયા ના સંયુક્ત ઉપક્રમે શોર્ટ ફિલ્મ સિરીઝ નું નિર્માણ થવા જઈ રહ્યું છે. આ શોર્ટ ફિલ્મ સિરીઝમાં આવનાર એક વર્ષ દરમિયાન ૨૫ શોર્ટ ફિલ્મ નું નિર્માણ કરવામાં આવશે અને જાણિતા ઓટીટી પ્લેટફોર્મ અને યુટ્યુબ ચેનલ પર પ્રસારીત કરવામાં આવશે.
ડોક્સહોક્સ એન્ટરટેઇનમેન્ટ ધ્વારા નિર્માણાધીન શોર્ટ ફિલ્મ સિરીઝ ના ભાગ સ્વરૂપ પ્રથમ શોર્ટ ફિલ્મ “પરિસ્થિતિ” નું નિર્માણ કાર્ય પુર્ણ થયેલ છે અને જાન્યુઆરી મહિનાના અંતિમ અઠવાડિયામાં જાણિતા ઓટીટી પ્લેટફોર્મ શેમારુ પર પ્રસારીત કરવામાં આવશે.
ડોક્સહોક્સ એન્ટરટેઇનમેન્ટ કંપની અંતર્ગત શરૂ થનાર આ ફિલ્મ સિરીઝ ને પ્રથમ વખત નાના અને મધ્યમ કદના વ્યવસાયિકો અને ઉદ્યોગ સાહસિક ધ્વારા સ્પોન્સર કરવામાં આવશે તેમજ ગુજરાતના ૨૦૦થી પણ વધારે લોકો ને રોજગારી તેમજ પોતાની કાર્ય ક્ષમતા પુરવાર કરવાની તક આપવામાં આવશે.
