મુંબઈ / અમદાવાદ / અંબોલી (સિંધુદુર્ગ, મહારાષ્ટ્ર), 14મી ઓગસ્ટ, 2023: અંબોલી, દક્ષિણ કોંકણમાં સિંધુદુર્ગ જિલ્લામાં આવેલું એક હિલ સ્ટેશન, ટૂંક સમયમાં જ તેની સમૃદ્ધ જૈવ-વિવિધતા, શાંત પ્રકૃતિ અને વન્યજીવનને કારણે ફક્ત મહારાષ્ટ્ર અને બહારના પ્રવાસીઓને જ નહીં પરંતુ વિશ્વભરના પ્રવાસીઓને આકર્ષતું આંતરરાષ્ટ્રીય પ્રવાસન સ્થળ બનશે. મહારાષ્ટ્ર સરકારના શિક્ષણ અને મરાઠી ભાષા મંત્રી શ્રી દીપક કેસરકરે 12મી ઓગસ્ટના રોજ સિંધુદુર્ગ જિલ્લાના અંબોલીમાં મહારાષ્ટ્ર સરકારના પ્રવાસન નિર્દેશાલય દ્વારા આયોજિત પ્રથમ વર્ષ મહોત્સવ (મોન્સૂન ફેસ્ટિવલ)ના ઉદ્ઘાટન સમયે જણાવ્યું હતું. મહારાષ્ટ્ર સરકારના પ્રવાસન મંત્રી શ્રી ગિરીશ મહાજને આયોજકોને તેમની શુભેચ્છાઓ પાઠવી.
અંબોલી વર્ષા મહોત્સવના આયોજન પાછળના વિચારને સમજાવતા, ડૉ બી એન પાટીલ, IAS, ડાયરેક્ટર, ડિરેક્ટોરેટ ઑફ ટુરિઝમ, મહારાષ્ટ્ર સરકાર જણાવ્યું હતું કે, “પર્યટકો માટે મહારાષ્ટ્રની પ્રવાસન ક્ષમતાનો લાભ લેવાનો અમારો ભાર અંબોલી જેવા પ્રકૃતિના સ્વર્ગમાં વર્ષા મહોત્સવ સાથે ચાલુ છે. અમે અંબોલી અને તેની આસપાસના વિસ્તારને રાષ્ટ્રીય અને આંતરરાષ્ટ્રીય પ્રવાસન નકશા પર લઈ જવા માટે પ્રતિબદ્ધ છીએ જ્યાં મહારાષ્ટ્રની અંદર અને બહારના દેશોમાંથી પણ પ્રવાસીઓ તેની પ્રાકૃતિક સુંદરતા અને ઇકોલોજીના સાક્ષી બનવા માટે ઉમટી પડશે.”
આ ઉત્સવ ગુજરાતમાંથી ઘણા પ્રવાસીઓ અને ટુર ઓપરેટરોને આકર્ષે તેવી અપેક્ષા છે.
મહારાષ્ટ્ર સરકારના પ્રવાસન નિર્દેશાલયે સિંધુદુર્ગ જિલ્લા વહીવટીતંત્ર અને અંબોલીની ગ્રામ પંચાયત સાથે મળીને આંબોલિનમાં મહારાષ્ટ્રના આ વર્ષના પ્રથમ મોનસૂન ફેસ્ટિવલનું આયોજન કર્યું છે. આ ફેસ્ટિવલ 16મી ઑગસ્ટ, 2023 સુધી ચાલશે. આંબોલીને પર્યટન સ્થળ તરીકે વિકસાવવામાં રોકાયેલા ઘણા પ્રકૃતિપ્રેમીઓ અને સ્વયંસેવકોએ પણ ફેસ્ટિવલમાં તેમનો ટેકો આપ્યો હતો.
