આઈટીટીએફ  ફાઉન્ડેશનના પ્રમુખ  અને ઈન્ટરનેશનલ ઓલિમ્પિક કમિટીના પ્રતિષ્ઠિત સભ્ય  પેટ્રા સોર્લિંગે ગુજરાતના કપડવંજની મુલાકાત લીધી

આ વિઝીટ ગુજરાતમાં ટેબલ ટેનિસના વધતા મહત્વને રેખાંકિત કરે છે.

•       આ વિઝીટની સેન્ટ્રલ થીમ ‘ટીટી ફોર ઓલ’ (ટેબલ ટેનિસ ફોર ઓલ) ઇનિશિએટિવ હતી

કપડવંજ, : આઈટીટીએફ  ફાઉન્ડેશનના પ્રમુખ  અને ઈન્ટરનેશનલ ઓલિમ્પિક કમિટીના પ્રતિષ્ઠિત સભ્ય  પેટ્રા સોર્લિંગે ગુજરાતના કપડવંજની મુલાકાત લીધી. પેટ્રા સોર્લિંગની આ મુલાકાત એ પ્રદેશમાં રમતગમતના વિકાસને વધુ વેગ આપશે. ઉપરાંત,  તે ગુજરાતમાં સામાજિક અને સામુદાયિક વિકાસ માટે ઉત્પ્રેરક તરીકે ટેબલ ટેનિસના વધતા મહત્વને રેખાંકિત કરે છે. આ ઇવેન્ટમાં એ રજૂ કરવામાં આવ્યું હતું કે,કપડવંજ કેળવણી મંડળ (KKM) કેવી રીતે તેના કાર્યક્રમો અને સુવિધાઓ માત્ર રમતને જ નહીં પરંતુ તમામ સ્તરે સમુદાયના એન્ગેજમેન્ટ અને સહભાગિતાને પણ પ્રોત્સાહન આપે છે.આ પ્રસંગે શ્રીમતી વિતા દાણી, દાણી ફાઉન્ડેશનના ફાઉન્ડર અને એલેમ્સ સ્પોર્ટ્સ ફાઉન્ડેશનના  કો-ફાઉન્ડર પણ ઉપસ્થિત રહ્યા હતા.

આ વિઝીટની સેન્ટ્રલ થીમ ‘ટીટી ફોર ઓલ’ (ટેબલ ટેનિસ ફોર ઓલ) ઇનિશિએટિવ હતી. આમાં વય, લિંગ અથવા સામાજિક આર્થિક સ્થિતિને ધ્યાનમાં લીધા વિના, સમુદાયના તમામ વર્ગો માટે ટેબલ ટેનિસને સુલભ બનાવવાનો સમાવેશ થાય છે. આનો ઉદ્દેશ્ય એ દર્શાવવાનો હતો  કે કપડવંજ કેળવણી મંડળ (KKM) આ સર્વસમાવેશક અભિગમને કેવી રીતે આગળ ધપાવી રહ્યું છે, સહભાગિતામાં આવતા અવરોધોને તોડી દૂર કરે છે, અને દરેકને રમત સાથે જોડાવા અને તેનો લાભ મેળવવાની તક છે તેની ખાતરી અપાવે છે.

આ ઇવેન્ટમાં વ્યાપક સામાજિક ઉદ્દેશ્યોને આગળ વધારવામાં ટેબલ ટેનિસની ભૂમિકા વિશે ચર્ચા કહેવામાં આવી હતી. આમાં આરોગ્ય અને સુખાકારીને પ્રોત્સાહન આપવા, સમુદાયની ભાવનાને પ્રોત્સાહન આપવા અને યુવાનો માટે રચનાત્મક આઉટલેટ પ્રદાન કરવાના સાધન તરીકે રમતનો ઉપયોગ કરવાનો સમાવેશ થાય છે. ટેબલ ટેનિસમાં સ્પોર્ટમેનશિપ, ડિસિપ્લિન, અને  ટીમ વર્કના સિદ્ધાંતો વ્યક્તિગત વિકાસ અને સામુદાયિક એકતામાં કેવી રીતે ફાળો આપી શકે છે તે અંગે પણ ચર્ચા કરવામાં આવી હતી.

આ વિઝીટથી ભવિષ્યની પહેલ અને સહયોગ માટે મિસાલ સ્થાપવાની અપેક્ષા છે. ટેબલ ટેનિસને સામાજિક ભલાઈ માટે કેવી રીતે આગળ વધારી શકાય તેની ચર્ચા કરવાની અને યોજના બનાવવાની આ એક તક હતી. માત્ર ગુજરાતમાં જ નહીં પરંતુ સંભવિતપણે એક મોડેલ તરીકે કે જે અન્ય પ્રદેશોમાંપણ અપનાવી શકાય છે.

પેટ્રા સોર્લિંગ ઇન્ટરનેશનલ ટેબલ ટેનિસ ફેડરેશન (ITTF) અને આઈટીટીએફ ફાઉન્ડેશનના પ્રમુખ તરીકે સેવા આપે છે અને આંતરરાષ્ટ્રીય ઓલિમ્પિક સમિતિના સભ્ય છે. તેઓનો કાર્યકાળ ટેબલ ટેનિસના વૈશ્વિકરણની પ્રતિબદ્ધતા દ્વારા ચિહ્નિત થયેલ છે, જેમાં સુલભતા, સમાવેશીતા અને પાયાના વિકાસ પર ધ્યાન કેન્દ્રિત કરવામાં આવ્યું છે.

દાણી ફાઉન્ડેશનના ફાઉન્ડર અને એલેમ્સ સ્પોર્ટ્સ ફાઉન્ડેશનના કો- ફાઉન્ડર શ્રીમતી વિતા દાણી, કોમ્યુનિટી એમ્પાવરમેન્ટ અને એથ્લેટ ડેવલોપમેન્ટ પર ભાર મૂકે છે. આઈટીટીએફ ફાઉન્ડેશનના ગવર્નિંગ બોર્ડના સભ્ય, ચેન્નાઈન ફૂટબોલ ક્લબના કો-ઓનર અને અલ્ટીમેટ ટેબલ ટેનિસના અધ્યક્ષ તરીકે, તેણીની પ્રતિબદ્ધતા વિવિધ રમતોમાં વિસ્તરે છે, ખાસ કરીને ટેબલ ટેનિસ અને ફૂટબોલમાં.  

કપડવંજ, ગુજરાત ખાતે 1940 માં સ્થપાયેલ, કપડવંજ કેળવણી મંડળ (KKM) એ આ પ્રદેશમાં શિક્ષણ, આરોગ્યસંભાળ, રમતગમતની તાલીમ, કૌશલ્ય વિકાસ અને કલા અને સંસ્કૃતિને વધારવા માટે સમર્પિત પબ્લિક ચેરિટેબલ ટ્રસ્ટ છે. એક શિક્ષક અને 20 વિદ્યાર્થીઓ સાથે તેની નમ્ર શરૂઆતથી, કપડવંજ કેળવણી મંડળ (KKM) દર વર્ષે 7000 થી વધુ વિદ્યાર્થીઓને સેવા આપવા માટે વિકસ્યું છે. કેકેએમ કપડવંજ અને આસપાસના વિસ્તારોના દરેક કુટુંબને પરવડે તેવા શિક્ષણ, આરોગ્ય સેવાઓ અને આજીવિકા કાર્યક્રમો સાથે પ્રભાવિત કરવાના વિઝન દ્વારા પ્રેરિત છે.