“રોમાન્સ કોમ્પ્લિકેટેડ” નામક ગુજરાતી ફિલ્મના આસિસ્ટન્ટ ડિરેક્ટર અને “તું તો ગયો” ફિલ્મના એક્ટર એવાં નિલય પટેલ એક ખૂબ સારા સિંગર પણ છે. તેઓનું સોન્ગ “મસાલા ચાય” ટૂંક સમયમાં જ રિલીઝ થવા માટે તૈયાર છે. જેના લિરિક્સ પણ નિલય પટેલે જ લખ્યા છે અને કોમ્પોઝિશન પણ તેમનું પોતાનું જ છે અને ડિરેક્શન અને કોરિયોગ્રાફી પ્રિન્સ ગુપ્તા (ડીઆઈડી ફેમ)ની છે. આ સોન્ગનું મ્યુઝિક ઋત્વિજ જોશીએ આપ્યું છે અને આ સોન્ગનું ડિજિટલ પ્રમોશન બઝમોન્ક દ્વારા કરવામાં આવી રહ્યું છે. આ સોન્ગ ઝેન મ્યુઝિક ગુજરાતી પર રિલીઝ થશે.
“મસાલા ચાય” સોન્ગ વિશે જણાવતાં નિલય પટેલે કહ્યું કે, “આ સોન્ગ મારા દિલની ખૂબ જ નજીક છે કારણ કે હું એક ચાય લવર છું. મારા જેવાં જેટલાં પણ લોકો ચાય લવર છે તે બધા માટે આ સોન્ગ છે અને ચા શબ્દ એક ઈમોશન છે. નામ સાંભળતા જ એનર્જી આવી જાય છે. તો આ સોન્ગ “મસાલા ચાય” પણ આવી જ જબરદસ્ત શક્તિથી ભરપૂર છે. જેનું શૂટિંગ ટૂંક સમયમાં જ શરૂ થશે. હાલ વડોદરા ખાતે તેનું રિહર્સલ ચાલી રહ્યું છે.”
નિલય પટેલને બાળપણથી જ ડાન્સ અને સિંગીંગનો શોખ હતો, માટે તેમણે ધીરે ધીરે મહેનત કરવાનું શરૂ કર્યું હતું અને તેઓએ બાળપણથી જ માઈન્ડમાં સેટ કર્યું હતું કે તેઓ આ જ ફિલ્ડમાં આગળ વધશે.
