અમદાવાદ: વી કેર ઈન્ડિયા ફાઉન્ડેશન દ્વારા અમદાવાદ સિવિલ હોસ્પિટલ કીમોથેરાપી કેન્સર વિભાગ ખાતે શનિવાર 25મી માર્ચના રોજ કેન્સરથી પીડાતા બાળકો માટે “હેપ્પી કીટ”નું વિતરણ કરવામાં આવ્યું.
કેન્સરગ્રસ્ત બાળકોના સ્વાસ્થ્યની સ્થિતિને ધ્યાનમાં રાખીને વી કેર ફાઉન્ડેશનના રજિસ્ટર્ડ ક્લિનિકલ ડાયેટિશિયન અને સ્થાપક રીના શુક્લ દ્વારા ડિઝાઇન કરાયેલ “હેપ્પી કિટ્સ” ખાસ તૈયાર કરવામાં આવી હતી. આ હેપ્પી કિટમાં દૂધનો પાવડર (પ્રોટીન માટે), કિસમિસ અને ખજૂર (ઉચ્ચ કેલરી એમ ઠંડક અને આયર્ન માટે), રોજિંદી ખોરાક અને પાણીની જરૂરિયાતો લઈ જવામાં મદદરૂપ પાણીની બોટલ અને એક બોક્સ, એક નાનો ધાબળો, તેમને ગરમ રાખવા માટે મોજાંની જોડી (કેમો દરમિયાન તેઓ થોડી ઠંડી અનુભવે છે) અને તેમના ચહેરા પર સ્મિત લાવતા એક કાર્ટૂન કેરેક્ટર ધરાવતો એક નરમ નેપકિનનો સમાવેશ થાય છે.
વી કેર ઈન્ડિયા ફાઉન્ડેશન બાળકોની સલામતી અને સુખાકારી માટે 2014થી અથાક કામ કરી રહ્યું છે. તે જ્ઞાન પ્રબોધિની પુણે સાથે માનસિક સ્વાસ્થ્ય પર સંશોધન કરી રહ્યું છે. તેઓ બાળકોની સલામતી માટે નીતિગત ફેરફારોની ભલામણ કરી રહ્યા છે અને સરકારને માનસિક રીતે સ્વાસ્થ્ય લોકોને બાળકોની આસપાસ કામ કરવા માટે સક્રિયપણે દરખાસ્ત કરી રહ્યા છે. આ સાથે બાળકો સાથે કામ કરતી દરેક વ્યક્તિના માનસિક સ્વાસ્થ્ય મૂલ્યાંકન પર ભાર મૂકે છે.
પૂર્ણ રીતે કોઈપણ પ્રતિકૂળ ઘટનાઓને રોકવા માટે, તેઓ નિશ્ચિતપણે માને છે કે ઉપચાર કરતાં નિવારણ વધુ સારૂં છે: પુનર્વસન કરતાં વધુ સારી સલામતી છે. અમે આરોગ્ય અને પર્યાવરણીય જાગરૂકતા માટે મુખ્યત્વે સસ્ટેનેબલ ડેવલપમેન્ટ ગોલ્સ (SDG) તરફ કાર્ય કરવા વિશે પણ આયોજન કરી રહ્યા છીએ, ઉપરાંત સમાન વિઝન ધરાવતા અન્ય એનજીઓ અથવા કોર્પોરેટ સાથે સહયોગ કરવા તરફ ધ્યાન કેન્દ્રિત કરી રહ્યા છીએ.
