રાજ્યમાં કોરોનાના પોઝીટીવ કેસ સતત એક હજારથી ઉપર આવી રહ્યા છે. ત્યારે રવિવારે છેલ્લા 24 કલાકમાં 1272 નવા કોરોના પોઝીટીવ કેસોનો ઉમેરો થયો છે. આમ રાજ્યમાં કુલ કેસ 75,506 થયા છે.
રાજય સરકારના આરોગ્ય વિભાગહના જણાવ્યા અનુસાર છેલ્લા 24 કલાકમાં રાજ્યમાં 17 દર્દીઓના મોત થતાં કુલ મૃત્યુંઆંક 3008 થયો છે. રાજ્યમાં અત્યારે કુલ એક્ટીવ કેસ 15390 કેસ છે. જમાં 84 દર્દીઓ વેન્ટિલેટર પર છે. 15,306 દર્દીઓ સ્ટેબલ છ.કોરોનાનું સંક્રમણ વધતું અટકાવવા માટે રાજ્ય સરકાર સતત પ્રયત્નશીલ છે. રાજ્યના આરોગ્ય વિભાગ દ્વારા સઘન પ્રયાસોના પરિણામે કોરોના વાયરસના સંક્રમણનું પ્રમાણ ઘટ્યું છે. રાજ્યમાં દિન-પ્રતિદિન ટેસ્ટની સંખ્યામાં ઉત્તરોત્તર વધારો કરવામાં આવી રહ્યો છે. આજે રાજ્યમાં કુલ 69,488 ટેસ્ટ કરવામાં આવ્યા જે રાજ્યની વસ્તીને ધ્યાનમાં લેતા પ્રતિદિન 1069.05 ટેસ્ટ પ્રતિ મિલિયન જેટલા થવા પામે છે.
આજ્યમાં અત્યાર સુધીમાં કુલ 22,65,473 ટેસ્ટ કરવામાં આવ્યા છે. આજ રોજ રાજ્યમાં વિવિધ જિલ્લામાં કુલ 1,272 કેસ નોંધાયેલ છે. આજ રોજ 1095 દર્દીઓ સાજા થઈને ઘરે ગયા છે. અત્યાર સુધીમાં 76,757 દર્દીઓ સાજા થયા છે. અને સાજા થવાનો દર રજ્યનો 80.67 ટકા થયો છે.
