- સુરત હસ્તાંતરણ એ હોસ્પિટલની ભારતમાં તેના વર્તમાન 115 કેન્દ્રોને 2025 સુધીમાં 200થી વધુ કરવાની મહત્વાકાંક્ષી વિસ્તરણ યોજનાનો એક ભાગ છે.
- ડો. અગ્રવાલ્સ આઈ હોસ્પિટલ ઇન્ફ્રાસ્ટ્રક્ચર, સાધનો અને સ્ટાફની તાલીમમાં રોકાણ કરતી વખતે હસ્તગત કરાયેલી હોસ્પિટલોની હાલની ટીમ અને મેનેજમેન્ટને જાળવી રાખશે.
પોતાની સમગ્ર ભારતમાં વિસ્તરણ યોજનાના ભાગરૂપે ડો. અગ્રવાલ્સ આઇ હોસ્પિટલ કે જે ભારતની આંખની હોસ્પિટલોના પ્રતિષ્ઠિત નેટવર્કમાંની એક છે, તેણે સુરત, ભાવનગર અને વાપીમાં પ્રવેશ કર્યો છે અને શહેરની કેટલીક વિશ્વસનીય આંખની હોસ્પિટલ્સ એવા પાંચ આઇ કેર સેન્ટર્સમાં 100% હિસ્સો હસ્તગત કર્યો છે, જેમાં પ્રિઝમા આઇ કેર, સુરત દ્વારા સંચાલિત (મજુરાગેટ, વેસુ અને અડાજણ); સવાણી આઇ હોસ્પિટલ, ભાવનગર અને ડૉ. આશિષ ગુસાણી આઇ હોસ્પિટલ, વાપીનો સમાવેશ થાય છે.
ગુજરાતમાં, ડૉ. અગ્રવાલ્સ આઇ હોસ્પિટલ પહેલાથી જ અમદાવાદ ખાતે વિશ્વ કક્ષાનું કેન્દ્ર ધરાવે છે. સુરત, ભાવનગર અને વાપીમાં પાંચ હોસ્પિટલોના હસ્તાંતરણ સાથે ડૉ. અગ્રવાલના વૈશ્વિક નેટવર્કમાં હોસ્પિટલોની સંખ્યા વધીને 118 થઈ ગઈ છે. હોસ્પિટલને તાજેતરમાં ટીજીપી ગ્રોથ અને ટેમાસેક તરફથી રૂ.1000 કરોડનું ભંડોળ મળ્યું હતું, જે ભારતમાં આઇકેર સ્પેસમાં એકત્ર કરાયેલી સૌથી મોટી રકમ પૈકીની એક અને મુખ્યત્વે તેની સમગ્ર ભારત વિસ્તરણ યોજના માટે છે.
સુરતના હસ્તાંતરણ વિશે વાત કરતાં ડૉ. અગ્રવાલ્સ આઇ હોસ્પિટલ્સના ચેરમેન પ્રો. અમર અગ્રવાલે જણાવ્યું, “અમે માનીએ છીએ કે દેશના દરેક નાગરિકને પોસાય તેવા ખર્ચે વિશ્વ કક્ષાની સુપરસ્પેશિયાલિટી વિઝન સારવાર પૂરી પાડવી શક્ય છે. અમારૂં આઇ કેરનું વિતરણ મોડલ આ જ આધાર પર બનાવવામાં આવ્યું છે અને અમે સામાન્ય માણસની પહોંચમાં સુપર-સ્પેશિયાલિટી આઇ કેર બનાવવા માટે ગ્રીનફિલ્ડ અને બ્રાઉનફિલ્ડ સેન્ટર્સ બનાવીને સજીવ અને નિર્જીવ રીતે અમારી ઉપસ્થિતિ વધારી રહ્યા છીએ. ગુજરાતમાં પાંચ હોસ્પિટલોનું તાજેતરનું હસ્તગત અમારા માટે ખાસ છે, કારણ કે તે આ ઝડપથી વિકસતા ટીયર I શહેરમાં અમારા પ્રવેશને ચિહ્નિત કરે છે અને અમને આ હોસ્પિટલોના આઇ કેર વ્યવસાયિકોની એક ઉત્તમ ટીમ સાથે કામ કરવાની તક આપી છે, જેમણે તેમની વર્ષોની પ્રતિબદ્ધતા અને સખત મહેનત દ્વારા મજબૂત પ્રતિષ્ઠાનું નિર્માણ કર્યું છે. અમે આ પ્રદેશમાં વધુ હોસ્પિટલો ઉમેરીશું અને અહીંના લોકો માટે ઉપલબ્ધ આઇ કેરની ગુણવત્તા સુધારવામાં મુખ્ય ભૂમિકા ભજવીશું.”
આ વિશે જણાવતા ડૉ. અગ્રવાલ્સ આઇ હોસ્પિટલ્સના સીઇઓ ડૉ. આદિલ અગ્રવાલે જણાવ્યું, “ગુજરાતમાં અમારી ઉપસ્થિતિનો વિસ્તાર કરવો એ અમારી રાષ્ટ્રીય વિસ્તરણ યોજનામાં અમારા માટે નોંધપાત્ર રીતે સીમાચિહ્નરૂપ છે. ખાસ કરીને પશ્ચિમ ભારત અને ગુજરાત જેવા રાજ્યો માટે અમારી પાસે આક્રમક વૃદ્ધિની યોજનાઓ છે. અમે અમદાવાદ અને સુરતના વર્તમાન બજારો તેમજ રાજકોટ, ગાંધીનગર, વડોદરા, કચ્છ, જામનગર, ભરૂચ, આણંદ અને નવસારીના વર્તમાન બજારોમાં ગ્રીનફિલ્ડ અને બ્રાઉનફિલ્ડ બંને કેન્દ્રો દ્વારા અમારી હાજરીને મજબૂત બનાવીશું. અમે વારસો, સક્ષમ ટીમ, બ્રાન્ડ નેમ અને સદ્ભાવના ધરાવતી હોસ્પિટલો સાથે ભાગીદારી શોધીએ છીએ. અમે છેલ્લાં 5 વર્ષમાં અમારા નેટવર્કમાં 65 કરતાં વધુ એકમો ઉમેર્યા છે અને 2025 સુધીમાં 115 હોસ્પિટલોના અમારા વર્તમાન નેટવર્કને બમણા કરીને 200થી વધુ કરવાની યોજના ધરાવીએ છીએ.”
મીડિયા સાથે વાત કરતા પ્રિઝમા આઈ કેરના ડૉ. નીરવ શાહે જણાવ્યું, “અમને પ્રખ્યાત ડૉ. અગ્રવાલ્સ આઇ હૉસ્પિટલ્સ શ્રૃંખલાનો સત્તાવાર રીતે ભાગ બનવા બદલ ગર્વ છે. અમે નવા નેતૃત્વ હેઠળ અમારા દર્દીઓ માટે નવીનતમ તકનીક અને શ્રેષ્ઠ પ્રક્રિયાઓ રજૂ કરવા માટે આતુર છીએ. ડૉ. અગ્રવાલ્સ આઇ હોસ્પિટલ્સ આઇકેરમાં સર્જીકલ નવીનતાઓ માટે જાણીતી છે અને મને ખાતરી છે કે તેમની ઉપસ્થિતિ સુરતમાં આઇકેરની ગુણવત્તાને વૈશ્વિક ધોરણો સુધી વધારવામાં મદદ કરશે.”
સવાણી આઇ હોસ્પિટલના ડૉ. સંજય વલ્લભભાઈ સવાણીએ જણાવ્યું, “ભાવનગરમાં ડૉ. અગ્રવાલ્સ આઇ હૉસ્પિટલનો પ્રવેશ એ શહેરના લોકો અને આઇ કેર ક્ષેત્ર માટે સારા સમાચાર છે. અમે પોતાને ડૉ. અગ્રવાલ્સ આઇ હોસ્પિટલ્સ જેવી પ્રતિષ્ઠિત રાષ્ટ્રીય આઇ કેર ચેઇનનો એક ભાગ બનવા માટે વિશેષાધિકૃત માનીએ છીએ, જે અમારા દર્દીઓ માટે અનેક લાભ લાવશે.”
ડૉ. આશિષ ગુસાણી આઇ હોસ્પિટલ, વાપીના ડૉ. આશિષ ગુસાણીએ જણાવ્યું, “અમને ડૉ. અગ્રવાલ્સ ગ્રુપ ઑફ આઇ હૉસ્પિટલ્સનો એક ભાગ બનવાનો આનંદ થાય છે, જે 65 વર્ષ જૂના વારસા સાથે આઇકોનિક આઇ કેર ચેઇન છે. તેના નેતૃત્વની ગુણવત્તા અને આઇ કેરમાં શ્રેષ્ઠતાની પરંપરા અત્યંત પ્રભાવશાળી છે. અમે તેમની વૈશ્વિક નિપુણતાનો લાભ મેળવવા અને શ્રેષ્ઠ પરિણામો સાથે દર્દીઓ માટે સુપર-સ્પેશિયાલિટી આઇ કેર પૂરી પાડવા માટે આતુર છીએ. અમે આંખની હોસ્પિટલોને તબીબી શ્રેષ્ઠતા અને દર્દીના સંતોષને વધુ ઊંચાઈઓ પર લઈ જવા માટે અમારી સંયુક્ત કુશળતાનો ઉપયોગ કરીશું.”
