અમદાવાદ મેનેજમેન્ટ એસોસિએશન (એએમએ) ખાતે પબ્લિક રિલેશન સોસાયટી ઓફ ઇન્ડિયા (પીઆરએસઆઈ) અમદાવાદ ચેપ્ટર દ્વારા તાજેતરમાં પીઆરએસઆઈ દ્વારા જેમનું રાષ્ટ્રીય એવોર્ડ આપીને સન્માન કરાયું, તેવા ગુજરાત યુનિવર્સિટીના પત્રકારત્વ વિભાગના વડા ડૉ. સોનલ પંડ્યા, એનઆઈએમસીજેના ડાયરેક્ટર ડૉ. શિરીષ કાશિકર, દૂરદર્શન ન્યૂઝના ડૉ. નિશીથ જોશી અને જનસંપર્ક વ્યવસાયી વિપુલ શુક્લનો અભિવાદન સમારંભ યોજાઈ ગયો.
આ સમયે ‘પબ્લિક રિલેશન અને આત્મનિર્ભર ભારત’ એ વિષય પર એક પેનલ ડિસ્કસનનું પણ આયોજન કરવામાં આવ્યું હતું. આ ડિસ્કસનમાં ડૉ. સોનલ પંડ્યા, ડૉ. શિરીષ કાશિકર, ડૉ. નિશીથ જોશીએ પોતાના વિચારો રજૂ કર્યા હતા. તજજ્ઞોએ આત્મનિર્ભર ભારતના નિર્માણમાં જનસંપર્કની ભૂમિકા, જનસંપર્કના શિક્ષણના બદલાતા આયામો અને સરકારના જનસંપર્ક વિભાગો અને તેના કાર્યો વિષે વિગતે વાત કરી હતી. આ સમારંભમાં પીઆરએસઆઈ અમદાવાદ ચેપ્ટરના હોદેદારો, પીઆર ક્ષેત્રના નિષ્ણાતો, પત્રકારત્વના વિદ્યાર્થીઓ, માધ્યમકર્મીઓ ઉપસ્થિત રહ્યા હતાં.
