વરુણ ધવન અને કિઆરા અડવાણી આજે આવનારી ફિલ્મ જુગજુગ જીઓના પ્રમોશન માટે અમદાવાદની મુલાકાતે આવ્યા હતા. જુગજુગ જીઓ એ રાજ મહેતા દ્વારા દિગ્દર્શિત અને ધર્મા પ્રોડક્શન હેઠળ હિરૂ યશ જોહર, કરણ જોહર, અપૂર્વ મહેતા દ્વારા નિર્મિત અને ભારતીય હિન્દી-ભાષાની કોમેડી-ડ્રામા ફિલ્મ છે.
અમદાવાદમાં ફિલ્મ પ્રોમોશન દરમિયાન વરુણ ધવન જણાવ્યું કે મને અમદાવાદમાંથી બહુજ પ્રેમ મળ્યો છે અને ગુજરાતી લોકો મને ખરેખર પસંદ છે. આ ફિલ્મ પટિયાલાના સેટ પર થયેલી અને શહેરની જેમ જ, તે પ્રેમ અને હાસ્ય, રંગ અને નાટકથી ભરેલી છે. આ વાર્તા કુટુંબ અને તેના મૂલ્યો, વણઉકેલાયેલી ઝંખનાઓ અને અણધાર્યા સમાધાન વિશે છે.આ ફિલ્મ ના શૂટ દરમિયાન મને દરેક લોકો સાથે કામ કરવાની બહુ મજા આવી અને મને ચોક્કસ ખાતરી છેકે આ ફિલ્મ સૌને ગમશે.
કિઆરા અડવાણીએ ફિલ્મમાં પોતાના રોલ વિશે વાત કરતા જણાવ્યું હતું કે, આ એક ફેમિલી સાથે જોઈ શકાય તેવી કોમેડી ફિલ્મ છે. અને મને મારો રોલ પ્લે કરવામાં બહુજ મજા આવી. બે મહિનામાં હું ફરી વાર અમદાવાદમાં આવી છું અને અમદાવાદના લોકોએ અને ગુજરાતી ખાવાનું ખુબજ પસંદ છે.
આ ફિલ્મમાં નીતુ સિંહ, અનિલ કપૂર, મનીષ પોલ, પ્રાજક્તા કોલી સાથે જાણીતા કલાકારો જોડાયેલ છે. આ ફિલ્મ તા.૨૪ જૂન ના રોજ સિનેમાં ઘરમાં જોવા મળશે.
