Ahmedabad, 10th Febuary,2023: “વોકિંગ” એ સૌથી પ્રાચીન અને સૌથી આધુનિક કસરત કહેવાય છે. અમદાવાદમાં શીલજ ખાતે ફિનટેક અને ટેલિકોમ સોલ્યુશન્સ પ્રોવાઈડર કંપની પેનામેક્સ ઈન્ફોટેક લિમિટેડ (બંકાઈ ગ્રુપ) દ્વારા પોતાની કંપનીના એમ્પ્લોયીઝ માટે સાબરમતી રિવરફ્રન્ટ ખાતે વોકેથોનનું આયોજન કરવામાં આવેલ છે. આ અંગે બંકાઈ ગ્રુપના ગ્લોબલ એચઆર હેડ અને વાઇસ પ્રેસિડેન્ટ સચિન પુરીએ જણાવ્યું હતું કે, “11ફેબ્રુઆરી, 2023 એટલેકે શનિવારના રોજ સવારે 7 કલાકે થી 10-30 કલાક સુધી યોજાનારી આ વોકેથોન 7 કિલોમીટર સુધીની રહેશે, જેમાં કંપનીના દરેક એમ્પ્લોયી ભાગ લેશે. બંકાઈ ખાતે અમે અમારા કર્મચારીઓની સારી શારીરિક અને માનસિક સુખાકારી માટે સમર્પિત છે અને આ વોકેથોન લોકોને તેમના સ્વાસ્થ્યની કાળજી રાખવા અને તેમની દિનચર્યાના ભાગ રૂપે કોઈપણ સ્વરૂપમાં નિયમિત કસરતનો સમાવેશ કરવા પ્રેરણા આપવાનું એક મહત્વપૂર્ણ પગલું છે.”
બંકાઈ ગ્રુપના ફાઉન્ડર અને સીઈઓ બંકિમ બ્રહ્મભટ્ટે જણાવ્યું હતું કે, “અમારી કંપની જે રીતે ફિટનેસ ચેલેન્જીસનો સામનો કરી રહી છે તે જોઈને મને ઘણો જ ગર્વ થાય છે. ફ્લેક્સિબિલિટી, કરેજ અને કેરિંગ હાર્ટ સાથે, અમે આ ફિટનેસ સ્ટ્રીક ચાલુ રાખવા અને અમારા કર્મચારીઓના સ્વાસ્થ્ય અને સુખાકારી વધારવા માટે વોકેથૉનનું આયોજન કરી રહ્યાં છીએ.” આ વોકેથોનમાં કંપનીના 325 એમ્પ્લોયીઝ ભાગ લઈ રહ્યાં છે. ભાગ લેનાર દરેક પ્રતિસ્પર્ધીને પેનામેક્સ ટીશર્ટ, કેપ, બીઆઈબી નંબર અને બીજી અન્ય સ્પોર્ટી વસ્તુઓ સહીતની ગૂડીબેગ હેમ્પર આપવામાં આવશે. વિજેતાઓ માટે કેટલીક ભવ્ય સરપ્રાઈઝ ગિફ્ટ્સ અને તમામ ફિનિશર્સ માટે કોન્સોલેશન મેડલ છે.
