• શ્યાસ્વા ડેવલપર્સ પ્રાઇવેટ લિમિટેડ ગુજરાતમાં 500 કરોડના રોકાણ દ્વારા પોતાની કામગીરી વિસ્તૃત કરશે
શ્યાસ્વા ડેવલપર્સ પ્રાઇવેટ લિમિટેડ એ અમદાવાદ, ગુજરાત સ્થિત પ્રમોટર્સ કંપની છે કે જેઓ રિયલ એસ્ટેટ ક્ષેત્રમાં પ્રવેશતા પહેલા FMCG, ઓટોમોબાઈલ, ટોબેકો અને લાઇટિંગ ઇન્ડસ્ટ્રી જેવા વિવિધ વ્યવસાયોમાં સંકળાયેલા છે. પ્રથમ શ્યાસ્વા શબ્દ વિશે વાત કરીએ તો આ શબ્દ શાશ્વત શબ્દ પરથી આવ્યો છે જેનો અર્થ થાય છે “એન્ડલેસ”. આજે અમદાવાદમાં શ્યાસ્વા ડેવલપર્સ પ્રાઇવેટ લિમિટેડ દ્વારા પોતાની કોર્પોરેટ આઇડેન્ટિટી એટલે કે લોગો લોન્ચ કરવામાં આવ્યો હતો.
શ્યાસ્વા ડેવલપર્સની શરૂઆત વિશે વાત કરીએ તો આ કંપનીની સફર 10 વર્ષ પહેલાં ઈન્વેસ્ટર્સ તરીકે શરૂ થઈ હતી અને પછી તે ડેવલોપર્સમાં ફેરવાઈ હતી. તેઓએ આ અગાઉ વિવિધ ક્ષેત્રોમાં ગુજરાતના વિવિધ શહેરોમાં 8 પ્રોજેક્ટ્સ સફળતાપૂર્વક પૂર્ણ કર્યા છે અને હવે રિયલ એસ્ટેટ ક્ષેત્રે રૂ. 200 કરોડની કિંમતના 2 પ્રોજેક્ટ્સ સાથે અમદાવાદમાં પ્રવેશ કર્યો છે. અમદાવાદ રિયલ એસ્ટેટ માર્કેટ માટે આગામી પ્રોજેક્ટ્સ માટે લગભગ રૂ. 500 કરોડનું ઇન્વેસ્ટમેન્ટ આ વર્ષે કરી રહ્યા છે. શ્રી તેજસ છગ (મેનેજિંગ ડિરેક્ટર), શ્રી મિતેશ છગ (ડિરેક્ટર) ,શ્રી ભાવેશ પાંઘી (ડિરેક્ટર)તથા શ્રી અમિત દાહિમા (સીઈઓ)* અને મીહીરભાઇ ભોજાની (ડિરેકટર) એ આ અંગે માહિતી અર્પિત કરી.
આ અંગે વાત કરતાં શ્યાસ્વા ડેવલપર્સ પ્રાઇવેટ લિમિટેડના સીઈઓ અમિત દાહિમા એ જણાવ્યું હતું કે, “અમે અમદાવાદ, ગુજરાતમાં પોતાની કામગીરી શરૂ કરીને ઘણા જ ઉત્સાહિત છીએ. વિવિધ ક્ષેત્રોમાં ઇન્વેસ્ટર્સ અને ડેવલોપર્સ તરીકે કામગીરી બજાવ્યા બાદ હવે અમે રિયલ એસ્ટેટ ડેવલોપર્સ તરીકે અમદાવાદમાં મોટું રોકાણ કરી રહ્યાં છે. અમદાવાદ, ગુજરાતમાં વર્તમાનમાં અમે 2 પ્રોજેક્ટ્સ પર કામ કરી રહ્યાં છે અને આગામી વર્ષોમાં વધારે ઈન્વેસ્ટમેન્ટ સાથે અમારું કામ રજૂ કરીશું.”
વધુમાં કંપનીના ડિરેક્ટર્સ શ્રી તેજસ છગ અને શ્રી મિતેશ છગ એ જણાવ્યું હતું કે, “શ્યાસ્વા ડેવલપર્સ પ્રાઇવેટ લિમિટેડ એ ગુજરાતની પ્રથમ કંપની છે જે દુબઈ માર્કેટમાં પણ ડેવલોપર્સ તરીકે પોતાની કામગીરી પ્રસ્તુત
કરશે. અમે 2024માં દુબઈ માર્કેટમાં ડેવલોપર્સ તરીકે પ્રવેશી રહ્યાં છે અને આ અમારા માટે ખૂબ જ મહત્વની વાત છે કારણકે અમે ફક્ત કોઈ સીટી બેઝ ડેવલપર્સ સુધી સીમિત રહેવા માંગતા નથી પરંતુ ઈન્ટરનેશનલ ડેવલોપર્સ બનવા માંગીએ છીએ.”
કંપની વિશે શ્યાસ્વા ડેવલપર્સ પ્રાઇવેટ લિમિટેડના મેનેજિંગ ડિરેક્ટર શ્રી તેજસ છગ જણાવ્યું હતું કે, “કોમ્પિટિટિવ રિયલ એસ્ટેટ માર્કેટમાં ટોચના સ્થાને રહેવા માટે સતત સુધારણા જરૂરી છે. પરિણામે, અમે સીટી લીડર તરીકેનું સ્થાન જાળવી રાખવા માટે પરિવર્તન સ્વીકાર્યું છે. અમે મક્કમતા, સર્જનાત્મકતા અને નિખાલસતાને અમારી કંપનીના ત્રણ પાયા તરીકે જોઈએ છીએ. ટીમમાં ફર્સ્ટ- જનરેશનના એન્ટ્રેપ્રીનિયર્સ અને વિવિધ ક્ષેત્રોમાં અનુભવ ધરાવતા બંનેનો સમાવેશ થાય છે. “કોન્સેપ્ચ્યુઅલ ક્રિએશન” એ એકમાત્ર વિઝન છે જે ટીમને તેની ટોચની કામગીરી કરવા પ્રેરણા આપે છે.”
