અમદાવાદ: મનોરંજન ક્ષેત્રે નવી ઊંચાઈઓ સર કરી રહેલા ‘વાલ્મિકી પિક્ચર્સ’ દ્વારા નિર્મિત લોકપ્રિય શો ‘અમર યોદ્ધા’ એ તાજેતરમાં પ્રતિષ્ઠિત ‘ટ્રુ વર્ટિકલ એવોર્ડ્સ’ માં ‘બેસ્ટ VFX’ (બેસ્ટ વિઝ્યુઅલ ઈફેક્ટ્સ) નો એવોર્ડ જીતીને ગુજરાતી મનોરંજન જગતનું નામ રોશન કર્યું છે. આ એવોર્ડ શોની ટેકનિકલ સદ્ધરતા અને ઉચ્ચ ગુણવત્તાવાળા વિઝ્યુઅલ કન્ટેન્ટ મહત્વપૂર્ણ છે. ‘અમર યોદ્ધા’એ તેની અદભૂત વિઝ્યુઅલ ઈફેક્ટ્સ દ્વારા દર્શકોને એક નવો અને રોમાંચક અનુભવ પૂરો પાડ્યો છે.
આ સિદ્ધિ બદલ ગૌરવ વ્યક્ત કરતા વાલ્મિકી પિક્ચર્સના નિર્માતા ભૌમિક સંપત અને જીનલ બેલાણી એ જણાવ્યું હતું કે ‘અમર યોદ્ધા’ માટે શ્રેષ્ઠ VFX નો એવોર્ડ જીતવો એ ખૂબ જ વિશેષ અનુભવ છે. અત્યાર સુધી એક કલાકાર તરીકે અનેક વખત સ્ટેજ પર સન્માન મેળવ્યું છે, પરંતુ આ વખતે એક ‘પ્રોડ્યુસર’ તરીકે સ્ટેજ પર જઈને એવોર્ડ સ્વીકારવો એ દિલને સ્પર્શી જાય તેવી ક્ષણ છે. આ એવોર્ડ પાછળ સમગ્ર ટીમની અથાગ મહેનત અને કંઇક નવું કરવાની જીદ છુપાયેલી છે, જે આજે સફળ સાબિત થઈ છે.
શોની આ ગૌરવશાળી સફળતા બાદ સોશિયલ મીડિયા પર ચાહકો તરફથી અભિનંદનનો વરસાદ વરસી રહ્યો છે. વાલ્મિકી પિક્ચર્સ આગામી સમયમાં પણ પ્રેક્ષકો માટે આવું જ શ્રેષ્ઠ અને ગુણવત્તાસભર કન્ટેન્ટ લાવવા માટે કટિબદ્ધ છે. આ સફળતા માત્ર પ્રોડક્શન હાઉસની જ નહીં, પરંતુ સમગ્ર ગુજરાતી ટેકનિકલ ટીમની જીત માનવામાં આવી રહી છે.
