સ્માર્ટ ઇન્ડિયા હેકાથોન 2025 – ફાઈનલ રાઉન્ડ નો ઉદ્ઘાટન 08 ડિસેમ્બર 2025 ની સવારે 8:૦૦ કલાકે મેડીકાલ હોલ,સ્વામીનારાયણ યુનિવર્સિટી,કલોલ,ગાંધીનગર ખાતે ભવ્ય અને ઉત્સાહપૂર્વક યોજાયો. કાર્યક્રમનું ઉદ્ઘાટન સ્વામીનારાયણ યુનિવર્સિટીના પ્રેસિડેન્ટ પરમ પૂજ્ય સ્વામી શ્રી ડૉ.પ્રેમસ્વરુપદાસજી, વાઈસ પ્રેસિડેન્ટ આદરણીય સ્વામી શ્રી ભક્તવત્સલ સ્વામીજી અને આદરણીય સ્વામી શ્રી ભકિતનંદન દાસજી તેમજ સંતવૃંદ , યુનિવર્સિટી માનનીય વાઈસ ચાન્સેલરશ્રી ડૉ રૂપેશ વસાણી, યુનિવર્સિટીના રજિસ્ટ્રારશ્રી , વિભાગ ના ડીન શ્રીઓ તથા આમંત્રિત ઉદ્યોગ નિષ્ણાતોની સાથે નોડલ ઓફીસરશ્રીઓ શ્યામ સુંદર સનાથાન તેમજ મનીષ પાટીલ તથા શ્રીમતી પ્રીતીબેન વ્યાસ ની ઉપસ્થિતિમાં દીપ પ્રાગટ્ય દ્વારા કરવામાં આવ્યું. સમગ્ર દેશમાંથી પસંદગી પ્રાપ્ત કરેલી ટીમોના વિદ્યાર્થીઓ, મેન્ટર્સ, જજેસ તથા ફેકલ્ટી સભ્યો મોટી સંખ્યામાં હાજર રહ્યા. સ્વાગત ભાષણમાં યુનિવર્સિટીના કુલપતિ શ્રી એ હેકાથોનના રાષ્ટ્રીય મહત્વ, નવીનતા-આધારિત શિક્ષણ અને Problem-Solving Culture અંગે પ્રકાશ પાડ્યો. મુખ્ય મહેમાનોએ પોતાના સંબોધનમાં વિદ્યાર્થીઓને ઇનોવેશન, ટેક્નોલોજીકલ એક્સલન્સ અને સ્ટાર્ટઅપ-ઓરિએન્ટેડ વિચારસરણી તરફ પ્રેરિત કર્યા તથા રાષ્ટ્રીય વિકાસમાં તેમની ભૂમિકા પર ભાર મુક્યો. ઉદ્ઘાટન પ્રસંગે યુનિવર્સિટીના આયોજન, ટેક્નિકલ સુવિધાઓ અને રાષ્ટ્રીય સ્તરની હોસ્ટિંગ ક્ષમતા માટે પ્રશંસા વ્યક્ત કરવામાં આવી. સમારોહ બાદ તમામ ટીમોને તેમની સમસ્યા-નિવેદન સમજાવતું સત્ર તથા મેન્ટર ઇંટરએકશન સાથે હેકાથોનની સત્તાવાર શરૂઆત કરવામાં આવી. આ ઉદ્ઘાટન સમારોહે સમગ્ર કાર્યક્રમ માટે ઊર્જા સભર, શિસ્તબદ્ધ અને પ્રેરણાદાયી માહોલનું નિર્માણ કર્યું. સ્વામીનારાયણ યુનિવર્સિટીના પ્રેસિડેન્ટ પરમ પૂજ્ય સ્વામી શ્રી ડૉ.પ્રેમસ્વરુપદાસજી ના આશીર્વચન સાથે ઉદઘાટન સત્ર નું સમાપન કરવામાં આવ્યું .
આ રાષ્ટ્રીય સ્તરની પ્રતિષ્ઠિત સ્પર્ધામાં વિવિધ રાજ્યોમાંથી કુલ 20 ટીમોએ ભાગ લીધો હતો જેમાં 38 છોકરીઓ અને 82 છોકરાઓ ઉપસ્થિત હતા જેમણે સરકાર અને ઉદ્યોગ દ્વારા આપવામાં આવેલી સમસ્યાઓ માટે નવીન અને પ્રાયોગિક સોલ્યુશન તૈયાર કર્યા. 36 કલાકના સતત હેકિંગ સત્ર દરમિયાન વિદ્યાર્થીઓએ તેમના ટેક્નિકલ કૌશલ્ય, સર્જનાત્મકતા અને સમસ્યા ઉકેલવાની ક્ષમતાનું ઉત્તમ પ્રદર્શન કર્યું. ઉદ્યોગ નિષ્ણાતો અને મેન્ટર્સે ટીમોને સતત માર્ગદર્શન આપ્યું, જ્યારે અંતિમ દિવસે પ્રેઝેન્ટેશન અને મૂલ્યાંકન પછી શ્રેષ્ઠ ટીમોને સન્માનિત કરવામાં આવી .
સ્વામીનારાયણ યુનિવર્સિટી દ્વારા પર્યાવરણ પ્રત્યેની જવાબદારી અને ટકાઉ વિકાસની દિશામાં આગળ વધતા*“ઝિરો વેસ્ટ હેકેથોન”નું આયોજન કરવામાં આવ્યું, જેનો મુખ્ય ઉદ્દેશ્ય વિદ્યાર્થીઓમાં નવીન વિચારસરણી વિકસાવવી, પર્યાવરણમૈત્રી ઉકેલો શોધવા, અને કેમ્પસ તેમજ સામાજિક સ્તરે કચરામુક્ત જીવનશૈલી નિર્માણ કરવા માટે ટેક્નોલોજી આધારિત પ્રયોગાત્મક કાર્યને પ્રોત્સાહન આપવાનો હતો. આ હેકેથોનમાં વિવિધ ડિપાર્ટમેન્ટના વિદ્યાર્થીઓએ આંતરવિષયક દૃષ્ટિકોણ સાથે ગ્રીન મેનેજમેન્ટ, રિસાયક્લિંગ-અપસાયક્લિંગ ટેકનિક્સ, ઈકો-ફ્રેન્ડલી પ્રોડક્ટ ડિઝાઇન, કચરો વિભાજન સિસ્ટમ્સ, સ્માર્ટ ડસ્ટબિન મોડ્યુલ, અને ઝિરો-વેસ્ટ ઇવેન્ટ મેનેજમેન્ટ સહિતના વિષયો પર પ્રોજેક્ટ રજૂ કર્યા. સમગ્ર કાર્યક્રમ દરમિયાન ભાગ લેનારાઓને પર્યાવરણ નિષ્ણાતો, ઉદ્યોગજગતના માર્ગદર્શકો અને ફેકલ્ટી મેન્ટર્સ દ્વારા માર્ગદર્શન આપવામાં આવ્યું, જેના કારણે તેઓ સમસ્યાઓને હોલિસ્ટિક રીતે સમજી શક્યા અને ન માત્ર ટેક્નિકલ પરંતુ સામાજિક જવાબદારી ધરાવતા ઉકેલોની રચના કરી શક્યા. હેકેથોને વિદ્યાર્થીઓમાં સર્જનશીલતા, ટીમવર્ક, સમસ્યા-ઉકેલવાની ક્ષમતા, અને ગ્રીન ટેક્નોલોજી પ્રત્યેની જાગૃતિ વધારવામાં નોંધપાત્ર યોગદાન આપ્યું. આ કાર્યક્રમ ખૂબ જ મહત્વપૂર્ણ પર્યાવરણ જાગૃતિ (Environmental Consciousness), સામાજિક જવાબદારી (Social Responsibility), નવીનતા અને રીસર્ચ અભિગમ (Innovation & Research Orientation) તેમજ સમગ્ર વિદ્યાર્થી વિકાસ (Holistic Development) જેવા મહત્વના સૂચકોને મજબૂત બનાવ્યા. હેકેથોનના અંતે શ્રેષ્ઠ પ્રોજેક્ટ્સનું સન્માન કરવામાં આવ્યું અને વિજેતા ટીમોને યુનિવર્સિટી સ્તરે તેમની કલ્પનાઓને સ્ટાર્ટઅપ અથવા કેમ્પસ–ઈમ્પેક્ટ મોડેલ તરીકે વિકસાવવા માર્ગદર્શન આપવા વિશેષ પ્રતિબદ્ધતા વ્યક્ત કરવામાં આવી. કુલ મળીને આ “ઝિરો વેસ્ટ હેકેથોન”એ વિદ્યાર્થીઓમાં ગ્રીન ફ્યુચર પ્રત્યેની પ્રતિબદ્ધતા વધારી અને યુનિવર્સિટી કેમ્પસને વધુ ટકાઉ અને પર્યાવરણમૈત્રી બનાવવા દિશામાં મહત્વપૂર્ણ પગલું સાબિત થયું..
સ્માર્ટ ઇન્ડિયા હેકાથોન 2025નો ફાઈનલ રાઉન્ડ 08–09 ડિસેમ્બર 2025ના રોજ સ્વામીનારાયણ યુનિવર્સિટી, ગુજરાત ખાતે રાષ્ટ્રીય સ્તરની ભવ્યતા અને શૈક્ષણિક ગૌરવ સાથે સફળતાપૂર્વક સંપન્ન થયો. ભારત સરકારના શિક્ષણ મંત્રાલય દ્વારા આયોજિત આ પ્રતિષ્ઠિત હેકાથોનમાં સમગ્ર દેશમાંથી પસંદ થયેલ પ્રતિભાશાળી વિદ્યાર્થી ટીમોએ ભાગ લીધો, જેમાં ટેક્નોલોજી, ઈનોવેશન, આર્ટિફિશિયલ ઇન્ટેલિજન્સ, ડેટા સાયન્સ, કમ્પ્યુટર એન્જિનિયરિંગ, ઇલેક્ટ્રોનિક્સ, સોશિયલ ડેવલપમેન્ટ અને સ્ટાર્ટઅપ સોલ્યુશન્સ સહિતના ક્ષેત્રોને આવરી લેતા સમસ્યા-નિવેદનો પર સતત 36 કલાક સુધી કાર્ય intense problem-solving mode માં કાર્ય કર્યું. યુનિવર્સિટી દ્વારા અદ્યતન ઇન્ફ્રાસ્ટ્રક્ચર, હાઈ-એન્ડ ઇન્ટરનેટ સુવિધા, ટેક્નિકલ લેબ સપોર્ટ, આરામદાયક કાર્યસ્થળ, ફૂડ મેનેજમેન્ટ અને સુરક્ષા વ્યવસ્થાઓની ઉત્તમ સુવિધાઓ ઉપલબ્ધ કરવામાં આવી, જેના કારણે તમામ ટીમો ઉચ્ચ ઊર્જા અને ઉત્સાહ સાથે હેકિંગ સત્રમાં નિરંતર જોડાયેલી રહી. કાર્યક્રમના ઉદ્ઘાટન સત્રમાં માનનીય વાઈસ ચાન્સેલર, પ્રો-વાઈસ ચાન્સેલર, રેજિસ્ટ્રાર, ડીન, વિભાગાધ્યક્ષો, ઉદ્યોગ નિષ્ણાતો તથા વિશિષ્ટ મહેમાનોની ઉપસ્થિતિ રહેતા સમગ્ર કાર્યક્રમનું શૈક્ષણિક મૂલ્ય વધ્યું. દરમ્યાન ટેક્નિકલ મેન્ટર્સ, ઈન્ડસ્ટ્રી એક્સપર્ટ્સ અને જજેસે દરેક ટીમને ઉચ્ચ સ્તરના માર્ગદર્શન અને પ્રાયોગિક સૂચનો આપ્યા, જેના કારણે વિદ્યાર્થીઓના પ્રોજેક્ટ વધુ સુદૃઢ અને ઇમ્પેક્ટ-ડ્રિવન બન્યા. હેકાથોનના અંતિમ દિવસે તમામ ટીમોએ તેમના પ્રોજેક્ટ્સનો પ્રોટોટાઇપ, ડેમો અને પ્રેઝન્ટેશન જજિંગ પેનલ સમક્ષ રજૂ કર્યા, જેમાં વિદ્યાર્થીઓની સર્જનાત્મકતા, ટેક્નિકલ કૌશલ્ય અને ઇનોવેટિવ વિચારોનું અનોખું સંયોજન જોવા મળ્યું. નિષ્ણાત સમિતિએ મૂલ્યાંકન માપદંડો અનુસાર શ્રેષ્ઠ પ્રદર્શન કરનાર ટીમોને વિશેષ પ્રશંસા, સર્ટિફિકેટ અને રાષ્ટ્રીય સ્તરે માન્યતા આપી સન્માનિત કર્યા.
આ સમગ્ર કાર્યક્રમ યુનિવર્સિટી માટે ગૌરવમય ક્ષણ તરીકે સાબિત થયો, કેમ કે આ આયોજન દ્વારા યુનિવર્સિટીએ નેશનલ લેવલ ઇનોવેશન ઇવેન્ટનું સફળ હોસ્ટિંગ કરીને પોતાની શૈક્ષણિક ક્ષમતા, આયોજનાત્મક મજબૂતાઈ અને રાષ્ટ્રીય પ્રતિબદ્ધતાનું શ્રેષ્ઠ ઉદાહરણ પૂરું પાડ્યું. હેકાથોન દ્વારા વિદ્યાર્થીઓમાં ટેક્નોલોજીકલ ઇનોવેશન, ટીમવર્ક, સમસ્યા વિશ્લેષણ, પ્રોડક્ટ ડેવલપમેન્ટ અને વ્યવહારૂ અમલીકરણની ક્ષમતાઓમાં વૃદ્ધિ થઈ, જે તેમને ભવિષ્યમાં સ્ટાર્ટઅપ્સ, રિસર્ચ અને પ્રોફેશનલ કરિયરમાં મજબૂત પાયો પૂરું પાડશે. સ્વામીનારાયણ યુનિવર્સિટીએ આ સફળ આયોજન દ્વારા રાષ્ટ્રીય સ્તરે શૈક્ષણિક, ટેક્નિકલ અને સંસ્થાકીય પ્રતિષ્ઠામાં વધુ એક સોનેરી પાનું ઉમેર્યું.
