સેફએક્સપ્રેસ દ્વારા વાપી, ગુજરાતમાં અત્યાધુનિક લોજિસ્ટિક્સ પાર્કનો પ્રારંભ
ઑક્ટોબર, 2026: ભારતની અગ્રણી સપ્લાય ચેઇન અને લોજિસ્ટિક્સ કંપની સેફએક્સપ્રેસ ગુજરાતના વાપીમાં પોતાના અત્યાધુનિક લોજિસ્ટિક્સ પાર્કનું ઉદ્ઘાટન કર્યું છે. NH-48 નજીક, વાપી, વલસાડ, ગુજરાત ખાતે વ્યૂહાત્મક રીતે સ્થિત આ નવી સુવિધા પ્રદેશના લોજિસ્ટિક્સ માળખાને વધુ મજબૂત બનાવવાની દિશામાં એક મહત્ત્વપૂર્ણ સીમાચિહ્નરૂપ છે. ઉદ્ઘાટન સમારોહમાં સેફએક્સપ્રેસ ના વરિષ્ઠ અધિકારીઓ ઉપસ્થિત રહ્યા હતા.
3.50 લાખ ચોરસ ફૂટ વિસ્તારમાં ફેલાયેલો વાપી લોજિસ્ટિક્સ પાર્ક અદ્યતન ટ્રાન્સશિપમેન્ટ અને થર્ડ-પાર્ટી લોજિસ્ટિક્સ (3PL) સુવિધાઓથી સજ્જ છે. આ સુવિધા પ્રદેશના વ્યવસાયોની વધતી જતી વેરહાઉસિંગ અને વિતરણ સંબંધિત જરૂરિયાતોને પહોંચી વળવા માટે તૈયાર કરવામાં આવી છે. તેનાથી વધુ ઝડપી, કાર્યક્ષમ અને વિશ્વસનીય સપ્લાય ચેઇન કામગીરીને પ્રોત્સાહન મળશે.
આધુનિક ક્રોસ-ડોક માળખાની મદદથી એકસાથે 116થી વધુ વાહનોનું લોડિંગ અને અનલોડિંગ કરી શકાય છે, જે કામગીરીની કાર્યક્ષમતામાં નોંધપાત્ર વધારો કરશે. આ સુવિધામાં 105 ફૂટથી વધુનો કોલમ-ફ્રી સ્પાન પણ છે, જે માલસામાનની અવરજવરને સરળ બનાવે છે. આ ઉપરાંત, 16 ફૂટ પહોળા કેન્ટિલિવર શેડ્સ તમામ હવામાન પરિસ્થિતિઓમાં લોડિંગ અને અનલોડિંગની કામગીરીને અવિરત ચાલુ રાખવામાં મદદરૂપ થશે.
ગુજરાતમાં આવેલું વાપી ભારતના મહત્ત્વપૂર્ણ ઔદ્યોગિક કેન્દ્રોમાંનું એક છે. આ શહેર રસાયણો, ફાર્માસ્યુટિકલ્સ, કાપડ, પેકેજિંગ, કાગળ, પ્લાસ્ટિક અને એન્જિનિયરિંગ ક્ષેત્રોમાં મજબૂત ઔદ્યોગિક હાજરી ધરાવે છે. વાપી ઇન્ડસ્ટ્રિયલ એસ્ટેટ અને મુખ્ય બજારોની નજીક હોવાને કારણે અહીંનું ઔદ્યોગિક માળખું વધુ વિકસિત બન્યું છે, જેના પરિણામે વાપી ઉત્પાદન અને વિતરણ માટે એક મહત્ત્વપૂર્ણ કેન્દ્ર તરીકે ઉભરી આવ્યું છે. અહીંના વૈવિધ્યસભર ઔદ્યોગિક ક્ષેત્રો સેફએક્સપ્રેસ જેવી લોજિસ્ટિક્સ કંપનીઓ માટે કાર્યક્ષમ પરિવહન, સમયસર ડિલિવરી અને સપ્લાય ચેઇનના વિસ્તરણને ટેકો આપવાની નોંધપાત્ર તકો ઊભી કરે છે.
સેફએક્સપ્રેસ નો નવો લોજિસ્ટિક્સ પાર્ક પ્રદેશમાં માળખાકીય સુવિધાઓની મહત્ત્વપૂર્ણ ખામીઓને દૂર કરવાની સાથે વિશ્વસ્તરીય લોજિસ્ટિક્સ સેવાઓની વધતી જતી માંગને પહોંચી વળવામાં મદદ કરશે તેવી અપેક્ષા છે. માલસામાનની ઝડપી હેરફેર અને વિશ્વસનીય લોજિસ્ટિક્સ સહાય પૂરી પાડીને આ સુવિધા ગુજરાત અને આસપાસના બજારોમાં વ્યવસાયો, ઉત્પાદકો અને ઉદ્યોગોના વિકાસમાં નોંધપાત્ર યોગદાન આપશે.
સલામતી અને ટકાઉ વિકાસ પ્રત્યેની પોતાની પ્રતિબદ્ધતાને દર્શાવતા સેફએક્સપ્રેસ આ સુવિધામાં આધુનિક અગ્નિશામક પ્રણાલીઓ અને પ્રશિક્ષિત કટોકટી પ્રતિસાદ કર્મચારીઓની વ્યવસ્થા કરી છે. પર્યાવરણની જવાબદારીને ધ્યાનમાં રાખીને અહીં સંકલિત વરસાદી પાણીના સંગ્રહની વ્યવસ્થા, સમર્પિત હરિયાળા વિસ્તારો અને ઊર્જાનો વપરાશ ઘટાડવા માટે કુદરતી પ્રકાશનો વ્યાપક ઉપયોગ જેવી સુવિધાઓ પણ વિકસાવવામાં આવી છે.
સુવ્યવસ્થિત કામગીરી અને અત્યાધુનિક માળખાકીય સુવિધાઓ સાથે વાપી લોજિસ્ટિક્સ પાર્ક ગુજરાતથી ભારતભરના વિવિધ સ્થળોએ માલસામાનના પરિવહનનો સમય ઘટાડવામાં મદદરૂપ થશે. આ સુવિધા સેફએક્સપ્રેસ ના રાષ્ટ્રવ્યાપી લોજિસ્ટિક્સ નેટવર્કને વધુ મજબૂત બનાવવાની સાથે પ્રદેશના આર્થિક વિકાસને પણ વેગ આપશે.
