ઉદયપુર- સિટી ઓફ લેક્સ તેના તમામ રાજવી વૈભવ સાથે જીવંત બની ઉઠી જ્યારે પ્રણવ દેસાઈ અને જુહી શાહના ભવ્ય લગ્ન પ્રસંગોની ઉજવણી કરવામાં આવી, જે પ્રેમ, પરંપરા, સંગીત અને સ્ટાર-સ્ટડેડ ગ્લેમરનો અવિસ્મરણીય સંગમ હતો. નજીકના પરિવારજનો, મિત્રો અને જાણીતી હસ્તીઓની હાજરીમાં આ ઉજવણી અત્યંત શાલીનતા અને ભવ્યતા સાથે સંપન્ન થઈ હતી.
ઉદયપુરની મનમોહક અને રાજવી પૃષ્ઠભૂમિમાં આયોજિત દરેક વિધિમાં સાંસ્કૃતિક વારસા અને આધુનિક લાલિત્યના મિશ્રણનું કપલનું વિઝન સ્પષ્ટપણે ઝળકતું હતું. અનેક દિવસો સુધી ચાલેલા આ ઉત્સવમાં સંગીત, નૃત્ય, હૃદયસ્પર્શી પરંપરાગત વિધિઓ અને ભાવનાઓથી સભર પળોની જીવંત ઝલક જોવા મળી હતી.
હલ્દી અને સંગીત સમારોહની શરૂઆત અત્યંત ઉત્સાહભરી રહી હતી, જેમાં સોનુ સૂદ, અરબાઝ ખાન, ધ ગ્રેટ ખલી, સાજિદ (સાજિદ-વાજિદ ફેમ), પ્રશાંત વીરેન્દ્ર શર્મા અને અન્ય પ્રતિષ્ઠિત મહેમાનોએ હાજરી આપીને આ આનંદમય વિધિઓમાં ગ્લેમર અને હૂંફ ઉમેરી હતી.
બોલિવૂડ નાઈટે આ મહોત્સવને એક ઝાકઝમાળ ભરેલા સિનેમેટિક દ્રશ્યમાં ફેરવી દીધો હતો, જેમાં રવિ કિશન, ડેઝી શાહ, સિમરત કૌર રંધાવા, રજત બેદી, મૌની રોય, જસ્લીન મથારુ, પ્રશાંત વીરેન્દ્ર શર્મા અને અન્ય કલાકારોએ પોતાની સ્ટાર પાવરથી ઉજવણીને રોશન કરી હતી.
લગ્નનો દિવસ અત્યંત લાવણ્ય અને આકર્ષણથી ભરેલો રહ્યો હતો, જેમાં સુંદર અભિનેત્રી શ્રીલીલાની ગરિમામય ઉપસ્થિતિએ દંપતીના આ અવિસ્મરણીય મિલનમાં એક ખાસ આભા ઉમેરી હતી.
પ્રણવ અને જુહી પર જ્યારે આશીર્વાદ અને શુભેચ્છાઓનો વર્ષા થઈ રહી હતી ત્યારે સમગ્ર વાતાવરણ હાસ્ય, નિખાલસ લાગણીઓ અને પ્રિય પરંપરાઓથી ભરાઈ ગયું હતું. મહેમાનો માટે આ એક ખૂબ જ વિચારપૂર્વક તૈયાર કરાયેલો અનુભવ હતો, જેમાં પવિત્ર ધાર્મિક વિધિઓ અને આધુનિક સુસંસ્કૃતતાનો સહજ સમન્વય હતો, જે મધુર સંગીત પ્રદર્શન, ઉત્કૃષ્ટ સજાવટ અને અજોડ મહેમાનગતિ દ્વારા વધુ યાદગાર બન્યો હતો.
